جيت المدينة ...

جبتلكم قصيده جميله للشاعر مساعد الشمراني اتمنى تعجبكم

جيت المدينة وبداخلي طفل ٍعسى الله يصلحه



طفل بدوي ولد ابدوي طيب ولكنـه عنيد



جيت المدينة وفي يدي طيب البداوه ومسبحه



جيت اشوفك يالحضاره جيت ادور للجديد



طفلا يعيش بداخلي وكل كلمه تجرحه



يهدي سبايك من ذهب والناس تهدي له حديد



كل دمعه تجرحــه وكــل بـســمــه تفرحـه



جيت ادور للفرح له وماشعرت اني سعيد



لو تون وتشتكي الدمع ماحدن يمسحه



الناس واجد بالمدينه واقرب العالم بعيد



مافي المدينه اي شي قلت يمكن امدحه



واعجزت يادروب المدينه واحتار وياي القصيد



الوضع ياقلبي صعيب والحال ماقدر اشرحه



اريد وانـت ماتـريد والله يـفعـل مايريد



ماحدن ضحك لي في المدينه الا ويبغى مصلحه



فقيره ماله سند وصار الردي عم وسيد



رجعتي لك يالمدينه موضوع توبه افتحه



خلاص ياقلبي خلاص لاتزيد ولاتعيد



سلام لك ياقريتي ياطيف دايم المحه



ياقريتي باقصى الجنوب احرار مافيها عبيد

موجودة يوتيوب بصوت الفنان محمد بن علي